1395. Juni 4. Breslau

Reverendo in Cristo patri et domino, domino Wenceslao digna dei et apostolice Sedis providencia Episcopo Wratislauiensi, Johannes dei paciencia Abbas Canonicorum Regularium Monasterii Sancti Vincencii extra muros Wrat. Ord. Prem. Ad quevis beneplacita se benivolum ac paratum. Cum prepositatus deodedicatarum virginum Monasterii gloriosissime Virginis Marie Domusdei alias Czarnowans prope Opul vestre dyocesis per privacionem cuiusdam Mathie ultimi et immediati rectoris eiusdem prepositure certis suis demeritis auctoritate apostolica ad nos et nostrum ad Monasterium presentacio sive Jus presentandi prepositum sit devoluta, ac per summariam pronuncciacionem Honorabilis viri Georgii Fulschussil Can. Othm. et Officialis Wrat. de mandato est adiudicata, Ideo de dicta auctoritate apostolica et mandato Honorabilis viri Georgii . . Honorabilem et Religiosum virum dominum Nicolaum de Gane plebanum in Optaw Canonicum Regularem Ordinis ac nostri Monasterii professum, ydoneum, honeste conversacionis et vite laudabilis Vestre Reverende Paternitati de consilio fratrum nostrorum ac Seniorum presencium sub tenore presentamus, Nichilominus eidem acceptandi possidendi et habendi preascriptum prepositatum licenciam nostram libere concedentes, Cum eo et pro eo humiliter supplicantes, quatenus prefato domino Nicolao pure propter deum curam spiritualium, temporalium, et Regimen animarum ibidem cum effectu committere dignemini graciose. Datum Wratislauie Mo-nasterio sancti Vincencii prenotato nostro Sub appenso Sigillo. Sub anno Nativitatis (domini) Millesimo Trecentesimo Nonagesimo Quinto quarta die Mensis Junii.

Mit anhangendem Siegel. Aus dem Archiv von S. Vincenz,

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 1, Urkunden des Klosters Czarnowanz. Hrsg von dr W. Wattenbach, Breslau 1857.